കോഴിക്കോട്: നാദാപുരത്ത് വീടിനു നേരെ സ്ഫോടക വസ്തു എറിഞ്ഞു. ചേലക്കാട് വ്യാഴാഴ്ച രാത്രിയാണ് സംഭവം. കണ്ടോത്ത് അഹമ്മദിന്റെ വീടിനു നേരെയാണ് സ്ഫോടക വസ്തു എറിഞ്ഞത്.
ഗർഭിണിയായ യുവതിയും മൂന്ന് കുട്ടികളും ഉൾപ്പെടെയുള്ള വീട്ടുകാർ ഉറങ്ങിക്കിടക്കവേയാണ് ആക്രമണമുണ്ടായത്. സംഭവത്തിൽ നാദാപുരം പോലീസ് സ്ഥലത്തെത്തി പരിശോധന നടത്തി. നാടൻ ബോംബ് ആണ് അക്രമത്തിന് ഉപയോഗിച്ചതെന്നാണ് സൂചന.